ԿԸՀ ներկայացուցիչները մասնակցել են ընտրական բարեփոխումների վերաբերյալ աշխատաժողովի
1 րոպեի ընթերցում
![ԿԸՀ ներկայացուցիչները մասնակցել են ընտրական բարեփոխումների վերաբերյալ աշխատաժողովի](http://armenpress.am/resized/480/static/news/b/2024/03/1133359.jpg)
ԵՐԵՎԱՆ, 27 ՄԱՐՏԻ, ԱՐՄԵՆՊՐԵՍ։ Հայաստանի կենտրոնական ընտրական հանձնաժողովի ներկայացուցիչները մարտի 26-ին մասնակցել են ընտրական բարեփոխումների շուրջ աշխատաժողովին, որին ներկա են եղել նաև Վենետիկի հանձնաժողովի և ԵԱՀԿ/ԺՀՄԻԳ-ի ներկայացուցիչները։ «Արմենպրես»-ի փոխանցմամբ՝ այս մասին հաղորդագրություն է տարածել ՀՀ կենտրոնական ընտրական հանձնաժողովը։
Քննարկումն իրականացվել է ԱՄՆ Միջազգային զարգացման գործակալության (ԱՄՆ ՄԶԳ) կողմից ֆինանսավորվող և «ԱՅ ԷՖ Ի ԷՍ»-ի կողմից իրականացվող «Ընտրական գործընթացների քաղաքական հաշվետվողականության ամրապնդումը Հայաստանում» ծրագրի շրջանակներում։
Հանդիպմանը մասնակցել են ինչպես ընտրական գործընթացներով շահագրգիռ պետական գերատեսչությունների, այպես էլ քաղաքացիական հասարակության ներկայացուցիչներ։