1 րոպեի ընթերցում
ԵՐԵՎԱՆ, 24 ՄԱՐՏԻ, ԱՐՄԵՆՊՐԵՍ։ Հայ Առաքելական Եկեղեցին մարտի 24-ին նշում է Ծաղկազարդը։ Ինչպես հաղորդում է «Արմենպրես»-ը, մարտի 24-ին, առավոտյան ժամը 08։00-ին Ս․ Հովհաննես Մկրտիչ-Սուրբ Վարդան մատուռ-մկրտարանում անցկացվել է առավոտյան ժամերգություն։
Մայր տաճարի բակում ժամը 10։00-ին կայացել է անդաստան (ոստերի օրհնություն) և մանուկների օրհնություն։
Ժամը 11։00-ին Ս․ Գայանե վանքում մատուցվել է Սուրբ պատարագ։
Ժամը 17։30-ին Ս․ Գայանե վանքում կկայանա Դռնբացեքի կարգ։
Ծաղկազարդի տոնը, որ խորհրդանշում է Քրիստոսի հաղթական մուտքը Երուսաղեմ, Հայ Առաքելական Սուրբ Եկեղեցին նշում է Սուրբ Հարության տոնից մեկ շաբաթ առաջ՝ կիրակի օրը, որին էլ հաջորդում է Ավագ շաբաթը։