Բքի և ցածր տեսանելիության պատճառով Վարդենյաց լեռնանցքը դժվարանցանելի է կցորդով տրանսպորտային միջոցների համար
1 րոպեի ընթերցում
![Բքի և ցածր տեսանելիության պատճառով Վարդենյաց լեռնանցքը դժվարանցանելի է կցորդով տրանսպորտային միջոցների համար](http://armenpress.am/resized/480/static/news/b/2024/03/1131915.jpg)
ԵՐԵՎԱՆ, 7 ՄԱՐՏԻ, ԱՐՄԵՆՊՐԵՍ: Ախուրյանի, Արթիկի, Անիի, Թալինի, Ապարանի, Արագածի, Աբովյանի, Հրազդանի, Սևանի, Գավառի տարածաշրջաններում մարտի 7-ին՝ ժամը 09։00-ի դրությամբ թույլ ձյուն է տեղում, իսկ Բաղրամյանի, Արմավիրի, Վաղարշապատի, Մեղրիի տարածաշրջաններում՝ անձրև։
Ինչպես «Արմենպրես»-ը տեղեկանում է «Ճանապարհային դեպարտամենտ» հիմնադրամի տարածած հաղորդագրությունից, բքի և ցածր տեսանելիության պատճառով Վարդենյաց լեռնանցքը դժվարանցանելի է կցորդով տրանսպորտային միջոցների համար (կիրառել անվաշղթաներ):
Միջպետական և հանրապետական նշանակության բոլոր ավտոճանապարհները բաց են:
Ճանապարհաշինարարներն ավտոճանապարհներին իրականացնում են մաքրման և աղ-ավազով մշակման աշխատանքներ: