Աղձք բնակավայրի հարակից հատվածում իրականացվելու են պայթեցման աշխատանքներ
1 րոպեի ընթերցում
![Աղձք բնակավայրի հարակից հատվածում իրականացվելու են պայթեցման աշխատանքներ](http://armenpress.am/resized/480/static/news/b/2024/02/1131204.jpg)
ԵՐԵՎԱՆ, 27 ՓԵՏՐՎԱՐԻ, ԱՐՄԵՆՊՐԵՍ: Հյուսիս-հարավի Տրանշ-2-ի Ագարակի հնագիտական վայրը շրջանցող մոտ 8 կմ երկարությամբ ճանապարհի կառուցման աշխատանքներով պայմանավորված փետրվարի 27-ին‚ ժամը 15։00-17։00-ի սահմաններում‚ Մ-1 միջպետական ճանապարհի՝ Աղձք բնակավայրի հարակից հատվածում իրականացվելու են պայթեցման աշխատանքներ:
«Արմենպրես»-ի տեղեկացմամբ՝ «Ճանապարհային դեպարտամենտ» հիմնադրամի տարածած հաղորդագրությունում նշվում է, որ տարածքը գտնվում է անվտանգության գոտուց դուրս‚ և ճանապարհը փակելու կարիք չկա։
«Ճանապարհային դեպարտամենտ» հիմնադրամից բնակչությանը հորդորում են չանհանգստանալ։