Սերգեյ Առստամյանը նշանակվել է ՀՀ քննչական կոմիտեի նախագահի խորհրդական

ԵՐԵՎԱՆ, 22 ՓԵՏՐՎԱՐԻ, ԱՐՄԵՆՊՐԵՍ։ Հայաստանի Հանրապետության քննչական կոմիտեի նախագահ Արգիշտի Քյարամյանի հրամանով Սերգեյ Առստամյանը նշանակվել է ՀՀ քննչական կոմիտեի նախագահի խորհրդական:

«Արմենպրես»-ի փոխանցմամբ՝ այս մասին հայտնում են Քննչական կոմիտեից՝ ներկայացնելով Սերգեյ Վլադիմիրի Առստամյանի կենսագրությունը:

Ծնվել է 1973 թվականի հուլիսի 31-ին ԼՂՀ Ստեփանակերտ քաղաքում:

1996 թ. ավարտել է Ստեփանակերտի մանկավարժական ինստիտուտի կենսաբանություն և քիմիա ֆակուլտետը,

2001թ.՝ ՌԴ ՊՆ հրետանային ակադեմիան՝ զինվորական և վարչական ղեկավարում մասնագիտությամբ:

1991-1993թթ. – ծառայել է զինված ուժերում:

Աշխատանքային գործունեություն

III-IX.1992թթ. – ԼՂՀ հրետանային դիվիզիոնի ռեակտիվ հրետանային մարտկոցի հաշվարկի համար

1992-1993թթ. – ԼՂՀ ռեակտիվ հրետանային դիվիզիոնի ջոկի հրամանատար

I- IX.1993թթ – ԼՂՀ ԲՄ-21 հրետանային դիվիզիոնի ղեկավարման դասակի հրամանատար, հետախուզության պետ

1993-1995թթ. – ԼՂՀ հրետանային բրիգադի ռեակտիվ դիվիզիոնի հետախուզության պետ

IV-IX.1995թթ. – ԼՂՀ հրետանային վարչության ռազմական պատրաստականության բաժնի պետի ավագ օգնական

1995-1996թթ. – ԼՂՀ հրետանային վարչության հետախուզության բաժնի պետի օգնական

1996-1997թթ. – ԼՂՀ հրետանային վարչության մարտական պատրաստականության բաժնի սպա

1997-1998թթ. – ԼՂՀ հրետանային վարչության հետախուզության պետ

1998-1999թթ. – ԼՂՀ հրետանային բրիգադի 3-րդ դիվիզիոնի հրամանատար

VII-X.2001թ. – ԼՂՀ հրետանու բաժնի մարտական պատրաստականության բաժնի պետ

X-XII.2001թ. – ԼՂՀ հրետանու բաժնի օպերատիվ բաժանմունքի պետ

2001-2005թթ. – ԼՂՀ զորամասի հրամանատար

2005-2008թթ. – ԼՂՀ բրիգադի հրամանատարի տեղակալ, ապա՝ հրամանատարի պարտականությունների ժամանակավոր կատարող

2008-2013թթ. – ԼՂՀ հրետանային գնդի հրամանատար

2013-2016թթ. – ԼՂՀ դիվիզիայի հրամանատարի տեղակալ

2016-2018թթ. – ԼՂՀ դիվիզիայի հրամանատարի տեղակալ-շտաբի պետ

IV-VII.2018թ. – ԼՂՀ դիվիզիայի հրամանատարի տեղակալ

2018-2020թթ. – ԼՂՀ սոցիալական պաշտպանության բաժնի պետ

2020-2022թթ. – ԼՂՀ զինվորական կոմիսար

2022-2023թթ. – ԼՂՀ պաշտպանության նախարարի տեղակալ

ՀՀ Նախագահի 2016 թվականի ապրիլի 10-ի հրամանագրով պարգևատրվել է «Մարտական խաչ» II աստիճանի մեդալով, ինչպես նաև ծառայողական պարտականությունները բարեխղճորեն կատարելու համար խրախուսվել է գերատեսչական տարբեր պարգևներով:

Ամուսնացած է, ունի երեք երեխա: