Գևորգ Ալթունյանի նկատմամբ խափանման միջոցը փոխվել է
1 րոպեի ընթերցում
![Գևորգ Ալթունյանի նկատմամբ խափանման միջոցը փոխվել է](http://armenpress.am/resized/480/static/news/b/2024/02/1130669.jpg)
ԵՐԵՎԱՆ,19 ՓԵՏՐՎԱՐԻ, ԱՐՄԵՆՊՐԵՍ։ Հակակոռուպցիոն դատարանը մերժել է պաշտպանության նախարարության տեղեկատվության և հասարակայնության հետ կապերի վարչության նախկին պետ Գևորգ Ալթունյանի տնային կալանքը ևս երկու ամսով երկարացնելու միջնորդությունը։
Ինչպես տեղեկացնում է «Արմենպրես»-ը, դատարանի որոշմամբ՝ Ալթունյանի նկատմամբ կիրառվել է գրավ և ստորագրություն՝ երկրից չհեռանալու մասին։
Ալթունյանը մեղադրվում է ՊՆ գնումների փաստաթղթերում կեղծ տեղեկություններ զետեղելու եղանակով պետությունից 106 մլն 300 հազար դրամ հափշտակելու մեջ: Նա մեղադրանքը չի ընդունում: 2023 թվականի հոկտեմբերին Ալթունյանի նկատմամբ խափանման միջոց կիրառվել էր կալանքը: Մեկ ամիս անց այն փոխարինվել էր տնային կալանքով։