Զորամասի պահպանության տեղամասում զինծառայողի դի է հայտնաբերվել
1 րոպեի ընթերցում
![Զորամասի պահպանության տեղամասում զինծառայողի դի է հայտնաբերվել](http://armenpress.am/resized/480/static/news/b/2024/01/1127661.jpg)
ԵՐԵՎԱՆ, 9 ՀՈՒՆՎԱՐԻ, ԱՐՄԵՆՊՐԵՍ։ Հունվարի 9-ին՝ ժամը 11:30-ի սահմաններում, ՊՆ N զորամասի պահպանության տեղամասում հայտնաբերվել է ավագ լեյտենանտ Միքայել Սամվելի Դանիելյանի դին՝ հրազենային վնասվածքով:
«Արմենպրես»-ին այս մասին հայտնեցին ՀՀ ՊՆ-ից։
«Դեպքի հանգամանքներն ամբողջովին պարզելու նպատակով ընթանում է քննություն:
ՀՀ պաշտպանության նախարարությունը վշտակցում և զորակցություն է հայտնում զինծառայողի ընտանիքի անդամներին, հարազատներին ու ծառայակից ընկերներին»,-ասված է հաղորդագրության մեջ: