Շնորհավոր Ամանոր և Սուրբ Ծնունդ
1 րոպեի ընթերցում
![Շնորհավոր Ամանոր և Սուրբ Ծնունդ](http://armenpress.am/resized/480/static/news/b/2023/12/1127231.jpg)
ԵՐԵՎԱՆ, 30 ԴԵԿՏԵՄԲԵՐԻ, ԱՐՄԵՆՊՐԵՍ:«Արմենպրես» պետական լրատվական գործակալությունը շնորհավորում է իր բոլոր ընթերցողների գալիք Ամանորը և Սուրբ ծնունդը։
Անցնող տարին տոկունության քննություն էր մեզնից յուրաքանչյուրի համար։ Թող 2024 թվականը դառնա ձեռքբերումների, բարգավաճման և խաղաղության տարի։
Սիրելի ընթերցողներ, ցանկանում ենք շնորհակալություն հայտնել ձեզ աջակցության և վստահության համար, որը մեզ ոգեշնչում է։
Թող տոնական այս օրերը լցնեն մեր սրտերը պայծառ ապագայի հույսով, որտեղ գերակշռում են խաղաղությունը, համերաշխությունը և միասնականությունը:
«Արմենպրես» լրատվական գործակալությունը կշարունակի լինել ձեր կողքին՝ լուսաբանելով Հայաստանի համար կարևոր նշանակություն ունեցող բոլոր իրադարձությունները։ Թող այս տոները հիշեցնեն մեզ, որ միասին մենք ուժեղ ենք:
Հանգստյան օրերի ընթացքում խմբագրությունը կշարունակի հրապարակել ամենահրատապ ու կարևոր տեղեկությունները, սակայն գործակալության անձնակազմը ողջ ծավալով կվերսկսի աշխատանքը հունվարի 3-ից:
Շնորհավոր Ամանոր և Սուրբ Ծնունդ։