ԱԺ նախագահը չի բացառում սահմանազատման հարցը խաղաղության հնարավոր պայմանագրից տարանջատելու հնարավորությունը
1 րոպեի ընթերցում
ԵՐԵՎԱՆ, 22 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի ազգային ժողովի նախագահ Ալեն Սիմոնյանը չի բացառում, որ Հայաստանի և Ադրբեջանի սահմանների սահմանազատման հարցը կարող է տարանջատվել խաղաղության հնարավոր պայմանագրից:
«Արմենպրես»-ի փոխանցմամբ՝ Սիմոնյանը նման տեսակետ հայտնեց ԱԺ-ում լրագրողների հետ զրույցում:
«Ես կարծում եմ, որ մենք կարող ենք դիտարկել նման գործելաոճ, որովհետև դա ժամանակային առումով կարող է շատ ավելի երկար տևել, կարող է նույնիսկ տարիներ տևել: Իրական խաղաղության գնացող երկիրը որևիցե խոչընդոտ չի տեսնի նման բաների մեջ»,-ասաց ԱԺ նախագահը՝ հավելելով, որ դա իր անձնական կարծիքն է:
Ըստ նրա՝ սահմանների սահմանազատման, սահմանագծման գործընթացը կարող է իսկապես շատ երկար տևել:
«Այո, չեմ բացառում, որ նման տարբերակը կարող է Հայաստանի համար ընդունելի լինել»,-ընդգծեց Սիմոնյանը: