ԵՐԵՎԱՆ, 19 ԴԵԿՏԵՄԲԵՐԻ, ԱՐՄԵՆՊՐԵՍ։ «Օրրան» բարեգործական հասարակական կազմակերպության հիմնադիր Արմինե Հովհաննիսյանը շնորհավորել է «Արմենպրես» պետական լրատվական գործակալության տնօրեն Նարինե Նազարյանին՝ գործակալության հիմնադրման 105-ամյակի առթիվ:
«Հարգելի՛ տիկին Նազարյան,
Սրտանց շնորհավորում ենք «Արմենպրես» լրատվական գործակալությանը 105-ամյակի կապակցությամբ:
Անցած դարի ընթացքում «Արմենպրես»-ը եղել է հայ ժողովրդի վստահելի տեղեկատվության աղբյուրը: Ձեր լուսաբանումներն առանցքային դեր են խաղացել Հայաստանի պատմության ձևավորման գործում: Ժամանակին և դիպուկ հոդվածների միջոցով դուք անկասկած փոխել եք հազարավոր անհատների կյանքեր, դրական ազդեցություն եք թողել ամենատարբեր համայնքների զարգացման հարցում և բարեխղճորեն վեր եք հանել հայությանը մտահոգող միլիոնավոր հարցեր:
«Արմենպրես»-ը կերտել է հարուստ ժառանգություն, և տարիների ընթացքում թեև փոխվել են մեդիադաշտի պահանջները և միջոցները, սակայն ձեր ճկունության և բարձր որակի շնորհիվ միշտ մնացել եք առաջատարների շարքում:
Մեկ անգամ ևս շնորհավորում ենք, և մաղթում ենք Ձեզ շարունակական հաջողություններ»,- ասված է շնորհավորական ուղերձում: