ՌԴ-ն ընդունել է զանգվածային հեռահաղորդակցության ոլորտում համագործակցության համաձայնագրի ՀՀ արձանագրած խախտումները
1 րոպեի ընթերցում
![ՌԴ-ն ընդունել է զանգվածային հեռահաղորդակցության ոլորտում համագործակցության համաձայնագրի ՀՀ արձանագրած խախտումները](http://armenpress.am/resized/480/static/news/b/2023/12/1126265.jpg)
ԵՐԵՎԱՆ, 14 ԴԵԿՏԵՄԲԵՐԻ, ԱՐՄԵՆՊՐԵՍ: Երևանում դեկտեմբերի 14-ին տեղի են ունեցել երկկողմ խորհրդակցություններ ՀՀ բարձր տեխնոլոգիական արդյունաբերության և ՌԴ թվային զարգացման, կապի և զանգվածային հաղորդակցության նախարարությունների միջև՝ ՀՀ և ՌԴ կառավարությունների միջև ստորագրված զանգվածային հեռահաղորդակցության ոլորտում համագործակցության մասին համաձայնագրի դրույթների պահպանման շուրջ:
Ինչպես «Արմենպրես»-ին տեղեկացրին ՀՀ բարձր տեխնոլոգիական արդյունաբերության նախարարությունից, խորհրդակցության ընթացքում հայկական կողմը նշել է, որ ՀՀ հեռուստատեսության և ռադիոյի հանձնաժողովը արձանագրել է Համաձայնագրի 5-րդ հոդվածի խախտումներ: Ռուսական կողմն ընդունել է այդ փաստը, և արդյունքում ստորագրվել է համատեղ հայտարարություն:
Ըստ աղբյուրի՝ արձանագրվել է հետևյալը՝
- Ռուսական կողմն ընդունել է հայկական կողմից արձանագրված խախտումների փաստը:
- Պայմանավորվածություն է ձեռք բերվել քայլեր ձեռնարկել համաձայնագրի բոլոր կետերի պատշաճ պահպանման ուղղությամբ: