Վրացական համարանիշներով 1154 ավտոմեքենա ստացել է մաքսային ձևակերպում
1 րոպեի ընթերցում
![Վրացական համարանիշներով 1154 ավտոմեքենա ստացել է մաքսային ձևակերպում](http://armenpress.am/resized/480/static/news/b/2023/12/1126132.jpg)
ԵՐԵՎԱՆ, 13 ԴԵԿՏԵՄԲԵՐԻ, ԱՐՄԵՆՊՐԵՍ։ Հայաստանի Հանրապետության կառավարության կողմից ընդունված աջակցության ծրագրի շրջանակում 2023 թվականի դեկտեմբերի 12-ի դրությամբ արդեն իսկ 1154 օտարերկրյա համարանիշներով ավտոմեքենաներ ստացել են մաքսային ձևակերպումներ:
«Արմենպրես»-ի փոխանցմամբ՝ այս մասին հայտնում են ՀՀ պետական եկամուտների կոմիտեից, հիշեցնելով, որ Կառավարության աջակցության ծրագիրը գործում է մինչև 2023 թվականի դեկտեմբերի 30-ը ներառյալ։
Միաժամանակ, կոմիտեն հորդորում է ծրագրի շահառու հանդիսացող քաղաքացիներին օգտվել ընձեռված հնարավորությունից:
Ծրագրի մանրամասները` https://src.am/am/getNews/281