1 րոպեի ընթերցում
ԵՐԵՎԱՆ, 7 ԴԵԿՏԵՄԲԵՐԻ, ԱՐՄԵՆՊՐԵՍ։ Կառավարության անդամները մեկ րոպե լռությամբ հարգեցին Սպիտակի ավերիչ երկրաշարժի զոհերի հիշատակը։
Ինչպես հաղորդում է «Արմենպրես»-ը, ՀՀ կառավարության հերթական նիստի մեկնարկին նման առաջարկով հանդես եկավ վարչապետ Նիկոլ Փաշինյանը։
«Այսօր դեկտեմբերի 7-ն է, լրանում է 1988 թվականի Սպիտակի աղետալի երկրաշարժի տարելիցը, որին զոհ գնացին շուրջ 25 հազար մեր հայրենակիցներ։ Խնդրում եմ հոտնկայս, մեկ րոպե լռությամբ հարգենք երկրաշարժի զոհերի հիշատակը»,- ասաց վարչապետը։
