Հայաստանում սպասվում է անոմալ տաք և բավարար տեղումներով դեկտեմբեր
1 րոպեի ընթերցում
![Հայաստանում սպասվում է անոմալ տաք և բավարար տեղումներով դեկտեմբեր](http://armenpress.am/resized/480/static/news/b/2023/12/1125316.jpg)
ԵՐԵՎԱՆ, 1 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանում դեկտեմբեր ամսին սպասվում է տաք, բայց տեղումնառատ եղանակ: «Արմենպրես»-ի փոխանցմամբ՝ այս մասին տեղեկացրել է Շրջակա միջավայրի նախարարության Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը՝ «Ֆեյսբուք» սոցիալական ցանցի իր էջում կատարած գրառման միջոցով:
Նշվում է, որ դեկտեմբերին օդի ամսական միջին ջերմաստիճանը կանխատեսվում է նորմայից բարձր 4-5 աստիճանով, տեղումների քանակը` նորմային մոտ։
«Սպասվում է անոմալ տաք և բավարար տեղումներով դեկտեմբեր»,- գրել է Գագիկ Սուրենյանը: