Բելգիայում այրվածքներով բուժում ստացող երեք տուժածից երկուսն ապաքինվել են և շուտով կլինեն Հայաստանում
2 րոպեի ընթերցում
![Բելգիայում այրվածքներով բուժում ստացող երեք տուժածից երկուսն ապաքինվել են և շուտով կլինեն Հայաստանում](http://armenpress.am/resized/480/static/news/b/2023/11/1125011.jpg)
ԵՐԵՎԱՆ, 27 ՆՈՅԵՄԲԵՐԻ, ԱՐՄԵՆՊՐԵՍ։ Հայաստանի առողջապահության նախարար Անահիտ Ավանեսյանն ընդունել է Հայաստանում Բելգիայի դեսպան Էրիկ Դե Մույնքին։ Ինչպես հաղորդում է «Արմենպրես»-ը, այս մասին հաղորդագրություն է տարածել ՀՀ առողջապահության նախարարությունը։
Անահիտ Ավանեսյանն իր երախտագիտությունն է հայտնել ՀՀ-ում Բելգիայի Թագավորության արտակարգ և լիազոր դեսպանին` Ստեփանակերտի մոտ տեղի ունեցած պայթյունից հետո Հայաստանին օգնության ձեռք մեկնելու համար:
Հաղորդագրության մեջ նշվում է, որ Ստեփանակերտի մոտ տեղի ունեցած պայթյունից տուժած և բուժումը Բելգիայում շարունակող երեք քաղաքացիներից երկուսն ապաքինվել են և շուտով կլինեն Հայաստանում, իսկ երրորդ տուժածը կշարունակի բուժումը:
Առողջապահության նախարարն ու ՀՀ-ում Բելգիայի դեսպանը քննարկվել են նաև առողջապահական համակարգային բարեփոխումներն ու մի շարք ոլորտներում հնարավոր համագործակցությունը`
առողջության համապարփակ ապահովագրության փորձագիտական աջակցություն
այրվածքների կառավարման, մասնագիտական վերապատրաստման հնարավորություն
դեղագործության ոլորտում կապերի խորացում
ուռուցքաբանության ոլորտում գործընկերային կապերի հաստատում:
Նախարարը վստահություն է հայտնել, որ դեսպանության բացումը նոր լիցք կհաղորդի առողջապահության ոլորտում երկկողմ հարաբերությունների զարգացմանը: