Բնակարանների վարձերի և կոմունալ վճարների փոխհատուցումից արդեն օգտվել է ԼՂ-ից բռնի տեղահանված ավելի քան 41 հազար անձ
1 րոպեի ընթերցում
![Բնակարանների վարձերի և կոմունալ վճարների փոխհատուցումից արդեն օգտվել է ԼՂ-ից բռնի տեղահանված ավելի քան 41 հազար անձ](http://armenpress.am/resized/480/static/news/b/2023/10/1122981.jpg)
ԵՐԵՎԱՆ, 27 ՀՈԿՏԵՄԲԵՐԻ, ԱՐՄԵՆՊՐԵՍ։ Լեռնային Ղարաբաղից բռնի տեղահանված անձանց տրամադրվող 100 հազար դրամի չափով միանվագ դրամական աջակցությունն արդեն փոխանցվել է շուրջ 100 հազար քաղաքացու։
«Արմենպրես»-ի հաղորդմամբ՝ այս մասին «Հումանիտար կենտրոն»-ում կայացած ասուլիսի ընթացքում ասել է ՀՀ Աշխատանքի և սոցիալական հարցերի նախարարի մամուլի քարտուղար Զարուհի Մանուչարյանը։
«Ինչ վերաբերում է 40+10 հազարական դրամ աջակցության ծրագրին, որն իրականացվում է վարձավճարների և կոմունալ վճարների համար, այս շաբաթ ևս ունեցել ենք վճարումներ։ Արդյունքում՝ ծրագրից արդեն իսկ օգտվել է 41 հազար 611 հայրենակից»,-հավելել է Մանուչարյանը։