Հայաստանի բնակչությունը 2023 թվականի հունվար-օգոստոսին ավելացել է 7 հազար 150-ով․ վարչապետ

ԵՐԵՎԱՆ, 12 ՀՈԿՏԵՄԲԵՐԻ, ԱՐՄԵՆՊՐԵՍ։ Հայաստանի բնակչությունը 2023 թվականի հունվար-օգոստոսին ավելացել է 7 հազար 150-ով: Ինչպես տեղեկացնում է «Արմենպրես»-ը, Կառավարության նիստում այս մասին հայտարարեց վարչապետ Նիկոլ Փաշինյանը։

«Հայաստանի բնակչության բնական աճը ամենաբարձրն է վերջին հինգ տարիների համեմատ։ Մեր բնակչությունը հունվար-օգոստոսին ավելացել է 7 հազար 150-ով: Սա շատ կարևոր ցուցանիշ է»,- ասաց Փաշինյանը։

Վարչապետը հույս ունի, որ Լեռնային Ղարաբաղից բռնի տեղահանված անձանց աջակցելու համար մշակված ծրագրերը կօգնեն, որ նրանք Հայաստանից չհեռանալու որոշում կայացնեն և կարձանագրվի ավելի լավ ցուցանիշ։