ՀՀ ԱԳՆ-ն ցավակցություն է հայտնել Հոմսում տեղի ունեցած ահաբեկչության կապակցությամբ
2 րոպեի ընթերցում
![ՀՀ ԱԳՆ-ն ցավակցություն է հայտնել Հոմսում տեղի ունեցած ահաբեկչության կապակցությամբ](http://armenpress.am/resized/480/static/news/b/2023/10/1121406.jpg)
ԵՐԵՎԱՆ, 6 ՀՈԿՏԵՄԲԵՐԻ, ԱՐՄԵՆՊՐԵՍ։ Հայաստանի արտաքին գործերի նախարարությունը ցավակցություն է հայտնել Սիրիայի Հոմս քաղաքի ռազմական ակադեմիայում տեղի ունեցած ահաբեկչության կապակցությամբ։
« Խորապես վշտացած ենք վերջերս տեղի ունեցած ահաբեկչական գործողությունից, որը Հոմս քաղաքում հանգեցրել է ավելի քան 100 մարդու մահվան և բազմաթիվ վիրավորումների: Մեր խորին ցավակցությունները Սիրիայի ժողովրդին և զոհվածների ընտանիքներին, իսկ վիրավորներին՝ շուտափույթ ապաքինում»,- «Արմենպրես»-ի հաղորդմամբ՝ X-ի միկրոբլոգում գրել է ՀՀ ԱԳՆ-ն։
Deeply saddened by the recent terrorist attack which resulted in loss of more than 100 lives and numerous injuries in the city of Homs. Our deepest condolences to the people of Syria and families of the victims, speedy recovery to those injured.@syrianmofaex
— MFA of Armenia (@MFAofArmenia) October 6, 2023
Առնվազն 100 մարդ է զոհվել Սիրիայի Հոմս քաղաքի ռազմական ակադեմիայի վրա անօդաչու թռչող սարքի հարձակման հետևանքով։Երկրի պաշտոնյաները հարձակման մեջ մեղադրել են ահաբեկչական խմբավորումներին, որոնց աջակցում են հայտնի միջազգային ուժերը: Արյունալի հարձակման համար մինչ այս պահը որևէ խմբավորում պատասխանատվություն չի ստանձնել։