ԵԱՀԿ-ում Հյուսիսային Մակեդոնիայի նախագահությունը կոչ է անում հումանիտար մուտք ապահովել պայթյունից տուժածներին օգնելու համար

ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ։ ԵԱՀԿ-ում Հյուսիսային Մակեդոնիայի նախագահությունը կոչ է անում ապահովել անհրաժեշտ հումանիտար մուտք, որպեսզի բժշկական օգնություն ցուցաբերվի սեպտեմբերի 25-ին Ստեփանակերտ-Ասկերան ավտոճանապարհի հարակից տարածքում` բենզինի պահեստում, ուժեղ պայթյունից տուժածներին:

«Արմենպրես»-ի հաղորդմամբ՝ այս մասին նշվում է ԵԱՀԿ-ում Հյուսիսային Մակեդոնիայի նախագահության X-ի պաշտոնական միկրոբլոգում:

We mourn the tragic loss of life in Stepanakert/Khankendi yesterday following an explosion at a fuel depot. We call for unhindered humanitarian access so critical medical aid can be given to those still fighting for their lives. Humanitarian concerns must prevail.#ItsAboutPeople

— North Macedonia - OSCE23 (@OSCECiO) September 26, 2023

«Մենք սգում ենք երեկ Ստեփանակերտում տեղի ունեցած ողբերգական պայթյունի հետևանքով զոհերի մահը: Կոչ ենք անում ապահովել անհրաժեշտ հումանիտար մուտք, որպեսզի բժշկական օգնություն ցուցաբերվի նրանց, ովքեր դեռ պայքարում են իրենց կյանքի համար: Մարդասիրական կարիքների բավարարումը պետք է գերակայի»,- նշված է գրառման մեջ:

Սեպտեմբերի 25-ին Ստեփանակերտ-Ասկերան ավտոճանապարհի հարակից տարածքում` բենզինի պահեստում, ուժեղ պայթյուն է տեղի ունեցել։ Տուժել են ԼՂ-ի դեմ Ադրբեջանի լայնածավալ ռազմական գործողությունների հետևանքով բռնի տեղահանված բնակչությունը: