ՌԴ խաղաղապահները 50 տոննա մարդասիրական բեռ են տեղափոխել Ստեփանակերտ

ԵՐԵՎԱՆ, 23 ՍԵՊՏԵՄԲԵՐԻ, ԱՐՄԵՆՊՐԵՍ։ Ռուսաստանի Դաշնության խաղաղապահները մարդասիրական բեռ են տեղափոխել Լեռնային Ղարաբաղի խաղաղ բնակիչների համար։ «Արմենպրես»-ի հաղորդմամբ՝ այս մասին հաղորդագրություն է տարածել ՌԴ պաշտպանության նախարարությունը։

«Ընդհանուր առմամբ, այս պահին ՌԴ խաղաղապահները Ստեփանակերտ են հասցրել ավելի քան 50 տոննա բեռ, այդ թվում՝ պարենային պաշարներ և առաջին անհրաժեշտության պարագաներ:

Զորախմբի տրամադրության տակ են գտնվում տարածաշրջանի 826 բնակիչ, այդ թվում՝ 440 երեխաներ, որոնք դեռ չեն կարողանում վերադառնալ իրենց տները»,- նշված է հաղորդագրության մեջ։