Միջազգային իրավական հարցերով ՀՀ ներկայացուցիչը դիմել է ՄԻԵԴ՝ Ադրբեջանի նկատմամբ միջանկյալ միջոց կիրառելու պահանջով
1 րոպեի ընթերցում
ԵՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ: Միջազգային իրավական հարցերով Հայաստանի Հանրապետության ներկայացուցիչն օգոստոսի 28-ին Լաչինի միջանցքից առևանգված երեք քաղաքացիական անձանց իրավունքների պաշտպանության վերաբերյալ Մարդու իրավունքների եվրոպական դատարան դիմում է ներկայացրել՝ Ադրբեջանի նկատմամբ միջանկյալ միջոց կիրառելու պահանջով:
«Արմենպրես»-ն այս մասին տեղեկանում է Միջազգային իրավական հարցերով ՀՀ ներկայացուցչի «Ֆեյսբուք»-ի էջում կատարված գրառումից:
Հետագա զարգացումների վերաբերյալ կտեղեկացնենք լրացուցիչ: