Ասֆալտապատվել են Վաղաշենի ներհամայնքային ճանապարհները
1 րոպեի ընթերցում
![Ասֆալտապատվել են Վաղաշենի ներհամայնքային ճանապարհները](http://armenpress.am/resized/480/static/news/b/2023/08/1118039.jpg)
ԳԱՎԱՌ, 24 ՕԳՈՍՏՈՍԻ, ԱՐՄԵՆՊՐԵՍ։ Գեղարքունիքի մարզի Մարտունի համայնքի Վաղաշեն գյուղի 3-րդ, 19-րդ ու 2-րդ փողոցից 3-րդ փողոց տանող ներհամայնքային ճանապարհները հիմնանորոգվում են ՀՀ կառավարության կողմից 2023 թվականին իրականացվող սուբվենցիոն ծրագրերի շրջանակներում։
Ինչպես «Արմենպրես»-ին տեղեկացրին Մարտունու համայնքապետարանի աշխատակազմից, Վաղաշենի ներհամայնքային ճանապարհների հիմնանորոգման ծրագրի պայմանագրային արժեքը կազմում է 140 միլիոն 515 հազար դրամ, որի 50 տոկոսը հատկացնում է ՀՀ կառավարությունը, 50 տոկոսը՝ Մարտունու համայնքապետարանը։ Ծրագրով նախատեսված է ասֆալտապատմամբ հիմնանորոգել 1212 գծամետր ճանապարհ՝ 9242 քառակուսի մետր մակերեսով։ Շինարարական աշխատանքները մեկնարկել են 2023 թվականի հուլիսից եւ 2023 թվականի օգոստոսի 23-ի դրությամբ արդեն գտնվում են ավարտական փուլում։
Շինարարական աշխատանքները նախատեսված է ավարտել այս տարվա ընթացքում։
Խոսրով Խլղաթյան