ԿԽՄԿ-ն կոչ է անում կողմերին փոխզիջման գնալ և հնարավոր դարձնել ԼՂ-ում հումանիտար մատակարարումները
1 րոպեի ընթերցում
![ԿԽՄԿ-ն կոչ է անում կողմերին փոխզիջման գնալ և հնարավոր դարձնել ԼՂ-ում հումանիտար մատակարարումները](http://armenpress.am/resized/480/static/news/b/2023/08/1117690.jpg)
ԵՐԵՎԱՆ, 19 ՕԳՈՍՏՈՍԻ, ԱՐՄԵՆՊՐԵՍ։ Կարմիր խաչի միջազգային կոմիտեն (ԿԽՄԿ) հայտարարություն է տարածել Լաչինի միջանցքի շուրջ ստեղծված իրավիճակի հետ կապված։ «Արմենպրես»-ի հաղորդմամբ՝ հայտարարության մեջ նշված է, որ ԿԽՄԿ-ն շարունակում է մնալ միակ մարդասիրական կազմակերպությունը, որը գործում է Լաչինի միջանցքում ՝ աճող մարդասիրական կարիքները բավարարելու համար:
«Դեղորայքի վերջին մատակարարումը տեղի է ունեցել հուլիսի 7-ին, իսկ սննդամթերքի վերջին մատակարարումը տեղի է ունեցել հունիսի 14-ին: ԿԽՄԿ-ն կոչ է անում որոշում կայացնողներին գտնել փոխզիջում և հնարավոր դարձնել հրատապ անհրաժեշտ հումանիտար մատակարարումների վերսկսումը»,- նշված է հայտարարության մեջ։