Որոշակիորեն վնասվել է Օդեսայում ՀՀ գլխավոր հյուպատոսության շենքը, աշխատակիցները չեն տուժել. ՀՀ ԱԳՆ
1 րոպեի ընթերցում
![Որոշակիորեն վնասվել է Օդեսայում ՀՀ գլխավոր հյուպատոսության շենքը, աշխատակիցները չեն տուժել. ՀՀ ԱԳՆ](http://armenpress.am/resized/480/static/news/b/2023/08/1117383.jpg)
ԵՐԵՎԱՆ, 14 ՕԳՈՍՏՈՍԻ, ԱՐՄԵՆՊՐԵՍ: Օդեսայում օգոստոսի 14-ի իրադարձությունների հետևանքով որոշակիորեն վնասվել է Հայաստանի Հանրապետության գլխավոր հյուպատոսության շենքը, աշխատակիցները չեն տուժել: «Արմենպրես»-ին այս մասին տեղեկացրեց ՀՀ ԱԳՆ մամուլի խոսնակ Անի Բադալյանը:
Ավելի վաղ նա հայտնել էր, որ Օդեսայում օգոստոսի 14-ի իրադարձությունների հետևանքով տուժածների թվում ՀՀ քաղաքացիներ չկան: Օդեսայում Հայաստանի Հանրապետության գլխավոր հյուպատոսությունը շարունակում է աշխատանքն իր գործառույթների ողջ ծավալով՝ իրականացնելով ՀՀ քաղաքացիների ընդունելություն:
Օդեսայում օգոստոսի լույս 14-ի գիշերը զանգվածային օդային հարձակում է տեղի ունեցել, որի հետևանքով, ըստ քաղաքի պաշտոնական կայքի, արձանագրվել է 296 շենք-շինության վնաս, կոտրվել է մոտ 2,5 հազար քմ ընդհանուր մակերեսով 1460 պատուհան: