Էդգար Հովհաննիսյանն ընտրվել է Բարձրագույն դատական խորհրդի անդամի պաշտոնում
1 րոպեի ընթերցում
![Էդգար Հովհաննիսյանն ընտրվել է Բարձրագույն դատական խորհրդի անդամի պաշտոնում](http://armenpress.am/resized/480/static/news/b/2023/08/1116825.jpg)
ԵՐԵՎԱՆ, 4 ՕԳՈՍՏՈՍԻ, ԱՐՄԵՆՊՐԵՍ: Դատավորների ընդհանուր ժողովին, որը հրավիրվել է օգոստոսի 4-ին, քվեարկությանը մասնակցած դատավորների ձայների ճնշող մեծամասնությամբ՝ 137 կողմ ձայնով, Բարձրագույն դատական խորհրդի (ԲԴԽ) դատավոր անդամ է ընտրվել Արմավիրի մարզի ընդհանուր իրավասության դատարանի դատավոր Էդգար Հովհաննիսյանը։
ԲԴԽ-ից հայտնում են, որ թեկնածուները երեքն են եղել՝ Արմավիրի մարզի ընդհանուր իրավասության դատարանի դատավոր Էդգար Հովհաննիսյանը, Արագածոտնի մարզի ընդհանուր իրավասության դատարանի դատավոր Սուրեն Մնոյանը և Լոռու մարզի ընդհանուր իրավասության դատարանի դատավոր Վարդուհի Հովնանյանը։