Ադրբեջանի ԶՈւ ստորաբաժանումները կրկին կրակել են Երասխում կառուցվող մետալուրգիական գործարանի ուղղությամբ
1 րոպեի ընթերցում
![Ադրբեջանի ԶՈւ ստորաբաժանումները կրկին կրակել են Երասխում կառուցվող մետալուրգիական գործարանի ուղղությամբ](http://armenpress.am/resized/480/static/news/b/2023/06/1113405.jpg)
ԵՐԵՎԱՆ, 16 ՀՈՒՆԻՍԻ, ԱՐՄԵՆՊՐԵՍ։ Հունիսի 16-ին՝ ժամը 10:00-ին, Ադրբեջանի ԶՈՒ ստորաբաժանումները տարբեր տրամաչափի հրաձգային զենքերից կրակ են բացել Երասխում օտարերկրյա ներդրումների միջոցով կառուցվող մետալուրգիական գործարանի ուղղությամբ:
«Արմենպրես»-ին այս մասին հայտնեցին ՀՀ պաշտպանության նախարարությունից։
Ադրբեջանի զինված ուժերի ստորաբաժանումները Երասխում կառուցվող մետալուրգիական գործարանի ուղղությամբ կրակել էին նաև հունիսի 13-ին և 14-ին։ Հունիսի 14-ին ադրբեջանական կողմի կրակոցներից վիրավորվել էին գործարանի շինարարական աշխատանքներում ներգրավված Հնդկաստանի 2 քաղաքացիներ։