ՊՆ-ն հերքում է ադրբեջանական տելեգրամյան ալիքների տարածած լուրերը սահմանին ծանր մարտերի մասին
1 րոպեի ընթերցում
![ՊՆ-ն հերքում է ադրբեջանական տելեգրամյան ալիքների տարածած լուրերը սահմանին ծանր մարտերի մասին](http://armenpress.am/resized/480/static/news/b/2023/06/1113370.jpg)
ԵՐԵՎԱՆ, 15 ՀՈՒՆԻՍԻ, ԱՐՄԵՆՊՐԵՍ։ Հայաստանի պաշտպանության նախարարությունը հերքել է ադրբեջանական տելեգրամյան ալիքների տարածած տեղեկությունները հայ-ադրբեջանական սահմանի հարավարևելյան հատվածում ծանր մարտերի մասին։
«Ադրբեջանական տելեգրամյան ալիքներն ապատեղեկատվություն են տարածում այն մասին, թե իբր սահմանագոտու հարավարևելյան հատվածում ծանր մարտեր են ընթանում: Այդպիսով ադրբեջանական քարոզչամեքենան փորձում է տեղեկատվական հիմք ստեղծել հերթական սադրանքի համար: Ժամը 17:50-ի դրությամբ իրադրությունն առաջնագծում հարաբերականորեն կայուն է»,- «Արմենպրես»-ի փոխանցմամբ՝ ասված է ՀՀ պաշտպանության նախարարության տարածած հաղորդագրության մեջ։