Ադրբեջանի թիրախավորման հետևանքով վիրավորում ստացած օտարերկրացիները շինարարական աշխատանքներում ներգրավված Հնդկաստանի քաղաքացիներ են
1 րոպեի ընթերցում
![Ադրբեջանի թիրախավորման հետևանքով վիրավորում ստացած օտարերկրացիները շինարարական աշխատանքներում ներգրավված Հնդկաստանի քաղաքացիներ են](http://armenpress.am/resized/480/static/news/b/2023/06/1113237.jpg)
ԵՐԵՎԱՆ, 14 ՀՈՒՆԻՍԻ, ԱՐՄԵՆՊՐԵՍ: Երասխում հունիսի 14-ին օտարերկրյա ներդրումների միջոցով կառուցվող մետալուրգիական գործարանի ուղղությամբ ադրբեջանական կրակի հետևանքով վիրավորում ստացած երկու քաղաքացիները գործարանի կառուցման շինարարական աշխատանքներում ներգրավված Հնդկաստանի քաղաքացիներ Մուհամադ Ասիֆը և Միրհասան Սահաջանն են: «Արմենպրես»-ի փոխանցմամբ՝ այս մասին նշված է ՀՀ պաշտպանության նախարարության տարածած հաղորդագրության մեջ:
Ավելի վաղ ՀՀ պաշտպանության նախարարությունիցհայտնելէին, որ Ադրբեջանի ԶՈւ-ն հունիսի 14-ին ժամը 11:45-ի սահմաններում կրակ է բացել Երասխում օտարերկրյա ներդրումների միջոցով կառուցվող մետալուրգիական գործարանի ուղղությամբ, ինչի հետևանքով վիրավորում է ստացել օտարերկրյա 2 քաղաքացի:
Առողջապահության նախարարությունից էլ հայտնել էին, որ նրանց վիճակը գնահատվում է միջին ծանրության: