Ադրբեջանի թիրախավորման հետևանքով վիրավորում ստացած երկու օտարերկրացիների առողջական վիճակը գնահատվում է միջին ծանրության. ՀՀ ԱՆ
1 րոպեի ընթերցում
![Ադրբեջանի թիրախավորման հետևանքով վիրավորում ստացած երկու օտարերկրացիների առողջական վիճակը գնահատվում է միջին ծանրության. ՀՀ ԱՆ](http://armenpress.am/resized/480/static/news/b/2023/06/1113234.jpg)
ԵՐԵՎԱՆ, 14 ՀՈՒՆԻՍԻ, ԱՐՄԵՆՊՐԵՍ: Ադրբեջանի կողմից ՀՀ Երասխ բնակավայրի ուղղությամբ քաղաքացիական նշանակության օբյեկտ հանդիսացող՝ կառուցվող մետալուրգիական գործարանի թիրախավորման հետևանքով վիրավորում ստացած երկու օտարերկրացի աշխատակիցների առողջական վիճակը գնահատվում է միջին ծանրության: «Արմենպրես»-ն այս մասին տեղեկանում է Առողջապահության նախարարության տարածած հաղորդագրությունից:
Ավելի վաղ ՀՀ պաշտպանության նախարարությունից հայտնել էին, որ Ադրբեջանի ԶՈւ-ն հունիսի 14-ին ժամը 11:45-ի սահմաններում կրակ է բացել Երասխում օտարերկրյա ներդրումների միջոցով կառուցվող մետալուրգիական գործարանի ուղղությամբ, ինչի հետևանքով վիրավորում է ստացել օտարերկրյա 2 քաղաքացի: