Միջադեպի մասին տեղեկության հիման վրա ոստիկանի ծառայողական լիազորությունները ժամանակավորապես դադարեցվել են
1 րոպեի ընթերցում
![Միջադեպի մասին տեղեկության հիման վրա ոստիկանի ծառայողական լիազորությունները ժամանակավորապես դադարեցվել են](http://armenpress.am/resized/480/static/news/b/2023/06/1112497.jpg)
ԵՐԵՎԱՆ, 4 ՀՈՒՆԻՍԻ, ԱՐՄԵՆՊՐԵՍ: Երևանի Սարյան փողոցում«Երևանի գինու օրեր» փառատոնի ժամանակ քաղաքացու և ոստիկանի միջև միջադեպից քիչ անց տեղեկություն է ստացվել ՆԳՆ ոստիկանության ներքին անվտանգության վարչությունում: Նշանակվել է ծառայական քննություն, ոստիկանի ծառայողական լիազորությունները ժամանակավորապես դադարեցվել են: «Արմենպրես»-ին տեղեկացրին ՀՀ ներքին գործերի նախարարության ոստիկանությունից։
Ըստ աղբյուրի՝ քաղաքացու և ոստիկանի միջև միջադեպի տեսագրությունը տարածվել է համացանցում։
«Մայրաքաղաքի Սարյան փողոցում«Երևանի գինու օրեր» փառատոնի ժամանակ քաղաքացու և ոստիկանի միջև միջադեպից քիչ անց, տեղեկություն է ստացվել ՆԳՆ ոստիկանության ներքին անվտանգության վարչությունում:
Նշանակվել է ծառայական քննություն, ոստիկանի ծառայողական լիազորությունները ժամանակավորապես դադարեցվել են»,- ասվում է պարզաբանման մեջ: