Կարմիր խաչի կողմից վերականգնվել է Արցախից բուժառուների տեղափոխումը Հայաստանի բժշկական կենտրոններ
1 րոպեի ընթերցում
![Կարմիր խաչի կողմից վերականգնվել է Արցախից բուժառուների տեղափոխումը Հայաստանի բժշկական կենտրոններ](http://armenpress.am/resized/480/static/news/b/2023/05/1111902.jpg)
ԵՐԵՎԱՆ, 26 ՄԱՅԻՍԻ, ԱՐՄԵՆՊՐԵՍ: Կարմիր խաչի նախաձեռնությամբ, մայիսի 26-ից վերականգնվել է Արցախից բուժառուների տեղափոխումը՝ Հայաստանի բժշկական կենտրոններ:
«Արմենպրես»-ի հետ զրույցում այս մասին ասաց ՀՀ-ում Կարմիր խաչի միջազգային կոմիտեի (ԿԽՄԿ) պատվիրակության հաղորդակցման ծրագրերի ղեկավար Զառա Ամատունին` նշելով, որ մայիսի 26-ին Արցախի Առողջապահության նախարարության «Հանրապետական բժշկական կենտրոն» ՓԲԸ-ից 15 բուժառու՝ ուղեկցողների հետ միասին, Կարմիր խաչի միջազգային կոմիտեի միջնորդությամբ և ուղեկցությամբ տեղափոխվել են ՀՀ մասնագիտացված բժշկական կենտրոններ:
« Մայիսի 17-ից սկսած մենք նաև վերսկսել ենք մարդասիրական բեռների տեղափոխություն: Ընդհանուր առմամբ տեղափոխել ենք տարբեր մարդասիրական բնույթի պարագաներ, հատկապես տեղական բուժհաստատությունների համար նախատեսվող բժշկական պարագաներ և դեղորայք: Մայիսի 17-ից սկսած մինչ այսօր տեղափոխել ենք 16 բեռնատար»,- նշել է Ամատունին: