Փաշինյանը Մոսկվայում ծաղիկներ խոնարհեց Անհայտ զինվորի գերեզմանին
1 րոպեի ընթերցում
![Փաշինյանը Մոսկվայում ծաղիկներ խոնարհեց Անհայտ զինվորի գերեզմանին](http://armenpress.am/resized/480/static/news/b/2023/05/1110518.jpg)
ԵՐԵՎԱՆ, 9 ՄԱՅԻՍԻ, ԱՐՄԵՆՊՐԵՍ։ Հայաստանի վարչապետ Նիկոլ Փաշինյանը Մոսկվայում Ռուսաստանի Դաշնության նախագահ Վլադիմիր Պուտինի և ԱՊՀ մի շարք երկրների առաջնորդների հետ ծաղիկներ է խոնարհել Անհայտ զինվորի գերեզմանին։
«Արմենպրես»-ի փոխանցմամբ, մինչ այդ Հայաստանի վարչապետը Ռուսաստանի, Բելառուսի, Ղազախստանի, Ղրղզստանի, Տաջիկստանի, Թուրքմենստանի և Ուզբեկստանի ղեկավարների հետ Կարմիր հրապարակում դիտել է տոնական քայլերթը։
Փաշինյանը ՌԴ նախագահ Վլադիմիր Պուտինի հրավերով աշխատանքային այցով Մոսկվայում է՝ ներկա գտնվելու մայիսի 9-ի Հայրենական մեծ պատերազմում հաղթանակին նվիրված միջոցառումներին: