Հայաստան է ժամանել Թուրքիայի սպորտի նախարարը

ԵՐԵՎԱՆ 25 ՄԱՐՏԻ, ԱՐՄԵՆՊՐԵՍ։Թուրքիայի սպորտի նախարար Մեհմեթ Քասափօղլուն ժամանել է Հայաստան՝ ներկա լինելու Հայաստան-Թուրքիա ֆուտբոլային խաղին: «Արմենպրես»-ի փոխանցմամբ՝ այս մասին նշված է Հայաստանի Հանրային հեռուստաընկերության պաշտոնական կայքում։

Եվրո-2024-ի որակավորման փուլի առաջին խաղում Հայաստանի հավաքականը Երևանի Վազգեն Սարգսյանի անվան Հանրապետական մարզադաշտում կմրցի Թուրքիայի հավաքականի հետ։ Հանդիպումը կկայանա մարտի 25-ին և կմեկնարկի Երևանի ժամանակով ժամը 21։00-ին։