ՀՀ ԱԽ քարտուղարն ընդունել է Լատվիայի նորանշանակ դեսպանին
1 րոպեի ընթերցում
![ՀՀ ԱԽ քարտուղարն ընդունել է Լատվիայի նորանշանակ դեսպանին](http://armenpress.am/resized/480/static/news/b/2023/02/1104139.jpg)
ԵՐԵՎԱՆ, 14 ՓԵՏՐՎԱՐԻ, ԱՐՄԵՆՊՐԵՍ: ԱԽ քարտուղար Արմեն Գրիգորյանը փետրվարի 14-ին ընդունել է Հայաստանի Հանրապետությունում Լատվիայի Հանրապետության նորանշանակ դեսպան Էդիտե Մեդնեին:
Ինչպես «Արմենպրես»-ը տեղեկանում է Անվտանգության խորհրդի տարածած հաղորդագրությունից, Արմեն Գրիգորյանը շնորհավորել է նորանշանակ դեսպանին և մաղթել հաջողություններ ու բեղմնավոր աշխատանք: Նա կարևորել է Հայաստան-Լատվիա երկկողմ համագործակցության զարգացումը:
Դեսպանն ընդգծել է, որ երկու երկրների բազմոլորտ հարաբերություններն ունեն զարգացման լավ հնարավորություն և վստահեցրել, որ նպաստելու է այդ հնարավորությունների ի կատար ածմանը: