Գարո Փայլանը տեսանյութ է հրապարակել Ադըյամանում Հայաստանի փրկարարական ջոկատի աշխատանքից
1 րոպեի ընթերցում
![Գարո Փայլանը տեսանյութ է հրապարակել Ադըյամանում Հայաստանի փրկարարական ջոկատի աշխատանքից](http://armenpress.am/resized/480/static/news/b/2023/02/1103785.jpg)
ԵՐԵՎԱՆ, 9 ՓԵՏՐՎԱՐԻ, ԱՐՄԵՆՊՐԵՍ: Թուրքիայի խորհրդարանի պատգամավոր Գարո Փայլանը տեսանյութ է հրապարակել՝ ներկայացնելով Թուրքիայի Ադըյաման քաղաքում Հայաստանի փրկարարական ջոկատի աշխատանքը:
«Հայաստանի փրկարարական ջոկատը շարունակում է աշխատանքը Ադըյամանում հերթական փլուզման վայրում»,- «Արմենպրես»-ի փոխանցմամբ՝ «Թվիթեր»-ի իր միկրոբլոգում հրապարակված տեսանյութին կից գրել է Փայլանը:
Ermenistan kurtarma ekibi Adıyaman’da başka bir enkazda çalışmalarına devam ediyor.
Canlı çıkarma umudumuz var. pic.twitter.com/AwpRm9hT9W
— Garo Paylan - Կարօ Փայլան (@GaroPaylan) February 9, 2023
Թուրքիայում տեղի ունեցած աղետալի երկրաշարժի հետևանքով զոհերի թիվը գերազանցել է 14 հազարը: Հայաստանը որպես օգնություն Թուրքիա է ուղարկել 27 հոգուց բաղկացած փրկարարական ջոկատ: