Կառավարությունը  մոտ 115 մլն դրամ կհատկացնի Լաչինի միջանցքի փակումից հետո Հայաստանում ապաստանած արցախցիների համար

ԵՐԵՎԱՆ,12 ՀՈՒՆՎԱՐԻ,ԱՐՄԵՆՊՐԵՍ: ՀՀ կառավարությունը 114 850 900 ՀՀ դրամ կհատկացնի 2022 թ. դեկտեմբերի 12-ից Լաչինի միջանցքի արգելափակման հետևանքով Հայաստանի Հանարապետությունում գտնվող Լեռնային Ղարաբաղի 1100 քաղաքացիներից 506-ի կեցությունը և սնունդը ապահովելու նպատակով:

«Արմենպրես»-ի փոխանցմամբ՝ ըստ Կառավարության հիմնավորման՝ արցախցիները հյուրընկալվել են Երևան քաղաքի և Գորիս համայնքի 17 հյուրանոցներում: 96 միլիոն դրամը կհատկացվի Սյունիքի մարզպետարանին՝ հյուրանոցների ծախսերի փոխհատուցման համար, իսկ 18 միլիոնը՝ Երևանի քաղաքապետարանին։