Հայաստանում մեկ շաբաթում գրանցվել է Covid-19-ի 91 դեպք, մահացել է 2 մարդ
1 րոպեի ընթերցում
![Հայաստանում մեկ շաբաթում գրանցվել է Covid-19-ի 91 դեպք, մահացել է 2 մարդ](http://armenpress.am/resized/480/static/news/b/2022/12/1098836.jpg)
ԵՐԵՎԱՆ, 5 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետությունում նոյեմբերի 28-ից դեկտեմբերի 4-ն ընկած ժամանակահատվածում կատարվել է 2386 թեստավորում, գրանցվել է կորոնավիրուսային հիվանդության 91 դեպք:
«Արմենպրես»-ի հաղորդմամբ՝ ՀՀ առողջապահության նախարարությունը տեղեկացնում է, որ նշված ժամանակահատվածում գրանցվել է մահվան 2 դեպք:
Վերջին 7 օրվա ընթացքում առողջացածների թիվը կազմում է 113, ներկայում բուժում է ստանում 283 քաղաքացի:
Հայաստանում, ընդհանուր առմամբ, համավարակի ժամանակահատվածում կատարվել է 3 մլն 237 հազար 561 թեստավորում, հաստատվել է կորոնավիրուսային հիվանդության 445 հազար 828 դեպք:
Առողջացածների ընդհանուր թիվը կազմում է 434 հազար 979, մահացել է 8 հազար 712 քաղաքացի: