Հայկական կողմին է փոխանցվել սեպտեմբերի 13-14-ին ադրբեջանական ագրեսիայի հետևանքով զոհված 13 հայ զինծառայողի մարմին
1 րոպեի ընթերցում
ԵՐԵՎԱՆ, 28 ՆՈՅԵՄԲԵՐԻ, ԱՐՄԵՆՊՐԵՍ: Ադրբեջանը հայկական կողմին է փոխանցել 13 հայ զինծառայողի մարմին: «Արմենպրես»-ի փոխանցմամբ՝ այս մասին հաղորդագրություն է տարածել ՀՀ Պաշտպանության նախարարությունը:
«Նոյեմբերի 28-ին Ադրբեջանը հայկական կողմին է փոխանցել սեպտեմբերի 13-14-ին Հայաստանի ինքնիշխան տարածքի պաշտպանության ժամանակ զոհված 13 հայ զինծառայողի մարմին»,- նշված է հաղորդագրության մեջ: