STARMUS

STARMUS-ն ավելի երկարատև և որակյալ ազդեցություն է ունենալու ՀՀ գիտության, կրթության ոլորտների վրա. ամփոփվեցին փառատոնի արդյունքները

6 րոպեի ընթերցում

STARMUS-ն ավելի երկարատև և որակյալ ազդեցություն է ունենալու ՀՀ գիտության, կրթության ոլորտների վրա. ամփոփվեցին փառատոնի արդյունքները

ԵՐԵՎԱՆ, 18 ՆՈՅԵՄԲԵՐԻ, ԱՐՄԵՆՊՐԵՍ: Հայաստանում սեպտեմբեր ամսին անցկացված STARMUS VI աշխարհառչակ փառատոնն ավելի երկարատև ու որակյալ ազդեցություն է ունենալու երկրում գիտության, մշակույթի և կրթության ոլորտների վրա. հայաստանյան բուհերն արդեն իսկ կապեր են հաստատել փառատոնի շրջանակում Հայաստան այցելած անվանի գիտնականների հետ: «Արմենպրես»-ի հաղորդմամբ՝ նման համոզմունք հայտնեց ՀՀ վարչապետի աշխատակազմի ղեկավար Արայիկ Հարությունյանը STARMUS VI փառատոնի ամփոփիչ մամուլի ասուլիսում:

Հարությունյանը նշեց, որ միջոցառմանը պատրաստվել են շուրջ 3 տարի: Այն շատ կարևոր է կրթական, գիտական, մշակութային առումով, և կարծում են, որ հասել են այն նպատակներին, որոնք իրենց առջև դրել էին:

««Starmus»-ն ավելի երկարատև ու ավելի որակյալ ազդեցություն է ունենալու գիտության, մշակույթի և կրթության ոլորտների վրա, քանի որ մենք այստեղ հյուրընակալեցինք տասնյակ անվանի գիտնականների, Նոբելյան 7 մրցանակակիրների, ովքեր օրեր շարունակ հյուրընկալվեցին բուհերում, դասախոսություններով հանդես եկան, շքեղ միջոցառումներ իրականացրեցինք մարզահամերգային համալիրում: Մեր առջև դրված խնդիրները լուծեցինք»,-ասաց վարչապետի աշխատակազմի ղեկավարը՝ շնորհակալություն հայտնելով փառատոնի համահիմնադիր Գարիկ Իսրաելանին՝ փառատոնը Հայաստան բերելու համար:

Գարիկ Իսրաելյանն իր հերթին շնորհակալություն հայտնեց ՀՀ Կառավարությանը՝ փառատոնի անցկացմանն աջակցելու համար: Նրա գնահատմամբ՝ 6 «Starmus»-ների պատմության մեջ ամենալավ դինամիկ, աշխատող ոգեշնչված թիմը եղել է հենց Հայաստանում:

«Բոլոր կողմերը շահեցին. թե մենք շատ գոհ մնացին, թե բոլոր լրագրողները և ամենակարևորը՝ ուսանողները, մասնակիցները: Մեր բուհերն էլ նման բան չէին տեսել, որ մեկ շաբաթվա ընթացքում այդքան աշխարհահռչակ գիտնականներ ամեն օր մի քանի անգամ բուհերում դասախոսություններ կարդան»,-ասաց փառատոնի համահիմնադիրը:

Փառատոնի շրջանակում անցկացվել են մի քանի համերգներ: Համահիմնադիրը բոլորի անցկացման ընթացքից գոհ է: «Հայաստան գալուց առաջ ես միշտ ասում էի, որ ամենալավ փառատոնն է լինելու»,-նշեց նա:

Իսրաելյանը վստահ է, որ «Starmus»-ը մեծ ազդեցություն ունեցավ թե՛ Հայաստանի ուսանողության, թե՛ դասախոսական կազմի վրա, թե՛ գիտությանն օգնելու համար:

Անդրադառնալով հարցին, թե ինչ տվեց փառատոնը Հայաստանին գիտության զարգացման իմաստով՝ Իսրաելյանն ասաց.

«Ես գիտեմ, որ «Starmus»-ին մասնակցած գիտնականների ճնշող մեծամասնությունը անձնական կապեր են հաստատել թե’ համալսարանների, թե’ գիտական կենտրոնների գիտնականների հետ»:

Օրինակ, առաջին հայ աստղագնաց Ջիմ Բաղյանն Իսրաելյանին տեղեկացրել է, որ ինքը կապի մեջ է Հայաստանի հետ, դպրոցների հետ, ծրագրեր է զարգացնում: Սակայն փառատոնի առաջնային նպատակը ոգեշնչելն էր, ուսանողներին լիցք տալը:

Արայիկ Հարությունյանը ևս նկատեց, որ բուհերը շատ ակտիվ են ներգրավված եղել գործընթացում: Մոտ 1 տասնյակ հուշագրեր են ստորագրվել Հայաստանի առաջատար բուհերի հետ: Բուհերը լայն կապեր են հաստատել Հայաստան այցելած գիտնականների հետ: Նա հույս հայտնեց, որ այդ կապերը կնյութականան տարբեր համագործակցությունների, հրապարակումների, լաբորատորիաների հիմնման տեսքով:

«Շուրջ 80 հազար այցելու ենք ունեցել «Starmus ճամբար», որոնց մեծ մասը եղել են դպրոցականներ: Մենք այնտեղ ներկայացրել ենք գիտության վերջին շրջանի առաջնահերթությունները: Եվ դուք պետք է այդ երեխաների ոգևորությունը տեսնեիք: Այսպիսի միջոցառումները շատ ոգևորիչ բնույթ ունեն, և այդ երեխաների առնվազն մի մասը հետագայում ներգրավվելու է գիտական ոլորտներում»,-նշեց նա:

Հայաsտանում սեպտեմբերին ավարտվեցին Սթարմուս միջազգային փառատոնի միջոցառումները՝ կոնֆերանսներ, համերգներ, գիտության ճամբարներ և հանրայնացման ծրագիր, որն անցկացվեց բուհերում, դպրոցներում, այլ կրթական հաստատություններում և կառույցներում։ Ավելի քան 15 օր Starmus VI շնորհիվ Երևանում, այլ քաղաքներում և համայնքներում 200-ից ավել մասշտաբային միջոցառումներ անցկացվեցին՝ համերգներ, դասախոսություններ, պրեզենտացիաներ, վարպետության դասեր, էքսպոներ, մշակութային այցեր և այլ ձևաչափով իրադարձություններ։

Հայաստանում STARMUS VI գիտության և արվեստի փառատոնը անց է կացվել «STARMUS VI. 50 տարի Մարսի վրա» խորագրով:

STARMUS աշխարհահռչակ փառատոնը կապված է Ստիվեն Հոքինգի, Բրայան Մեյի, Ալեքսեյ Լեոնովի և աշխարհահռչակ այլ հայտնի անունների հետ, անցկացվում 2011 թվականից և միավորում է գիտությունը, կրթությունը, արվեստն ու տեխնոլոգիաները։

STARMUS փառատոնը հիմնադրվել է աստղաֆիզիկոս Գարիկ Իսրաելյանի և լեգենդար Queen խմբի կիթառահար, աստղաֆիզիկոս Բրայան Մեյի կողմից՝ դառնալով համաշխարհային ճանաչում ունեցող գիտնականների, Նոբելյան մրցանակակիրների, տիեզերագնացների մտածողների, գիտության մշակույթի ու արվեստի գործիչների միավորող հարթակ, որի շրջանակներում նրանք հանրության հետ կիսվում են իրենց գիտելիքներով, փորձով ու նորագույն հայտնագործություններով։ Նրանց միավորումը մեկ հարթակի շուրջ հնարավոր է դարձնում մեր ժամանակների խնդիրների վերհանումն ու լուծումների շուրջ քննարկումները։

Starship-ի, տիեզերական զբոսաշրջության և Բաքվի համաժողովից հրաժարվելու մասին. բացառիկ հարցազրույց SpaceX-ի ավագ խորհրդատու Գարեթ Ռիսմանի հետ

STARMUS

Starship-ի, տիեզերական զբոսաշրջության և Բաքվի համաժողովից հրաժարվելու մասին. բացառիկ հարցազրույց SpaceX-ի ավագ խորհրդատու Գարեթ Ռիսմանի հետ

Տիեզերքում կյանքի նոր հետքեր հայտնաբերելու հավանականության և էկզոմոլորակների մասին․ բացառիկ հարցազրույց Նոբելյան մրցանակակիր Միշել Մայորի հետ

STARMUS

Տիեզերքում կյանքի նոր հետքեր հայտնաբերելու հավանականության և էկզոմոլորակների մասին․ բացառիկ հարցազրույց Նոբելյան մրցանակակիր Միշել Մայորի հետ

Տիեզերական աղբն ու դրա վտանգները․ կանադացի տիեզերագնաց Քրիս Հեդֆիլդը լուծումներ է առաջարկում

STARMUS

Տիեզերական աղբն ու դրա վտանգները․ կանադացի տիեզերագնաց Քրիս Հեդֆիլդը լուծումներ է առաջարկում

Բացահայտելով Տիեզերքի գաղտնիքները․ բացառիկ հարցազրույց ամերիկացի ֆիզիկոս Բրայան Գրինի հետ

STARMUS

Բացահայտելով Տիեզերքի գաղտնիքները․ բացառիկ հարցազրույց ամերիկացի ֆիզիկոս Բրայան Գրինի հետ

Աստղաֆիզիկոս Գարիկ Իսրայելյանը՝ STARMUS VII փառատոնի, ապագա ծրագրերի և կրթության կարևորության մասին

Ինովացիա

Աստղաֆիզիկոս Գարիկ Իսրայելյանը՝ STARMUS VII փառատոնի, ապագա ծրագրերի և կրթության կարևորության մասին

Քրիստոֆեր Նոլանը՝ STARMUS-ի մեդալակիր. Բրատիսլավայում տեղի ունեցավ Սթիվեն Հոքինգի անվան մեդալների հանձնման արարողությունը

STARMUS

Քրիստոֆեր Նոլանը՝ STARMUS-ի մեդալակիր. Բրատիսլավայում տեղի ունեցավ Սթիվեն Հոքինգի անվան մեդալների հանձնման արարողությունը

iPod-ից դեպի Տիեզերք. ինչպես գյուտարար Թոնի Ֆադելը սկսեց զբաղվել Երկրի մթնոլորտում մեթանի արտանետումները հայտնաբերելու գործով

Ինովացիա

iPod-ից դեպի Տիեզերք. ինչպես գյուտարար Թոնի Ֆադելը սկսեց զբաղվել Երկրի մթնոլորտում մեթանի արտանետումները հայտնաբերելու գործով

Անձրևի կաթիլները կարող են արթնացնել անապատը. լեգենդար Ջեյն Գուդոլը STARMUS-ի բեմից կոչ արեց պաշտպանել մոլորակը

Ինովացիա

Անձրևի կաթիլները կարող են արթնացնել անապատը. լեգենդար Ջեյն Գուդոլը STARMUS-ի բեմից կոչ արեց պաշտպանել մոլորակը

Բրատիսլավան՝ գիտության մայրաքաղաք. Ժան-Միշել Ժարի աննախադեպ համերգով մեկնարկեց STARMUS VII փառատոնը

Ինովացիա

Բրատիսլավան՝ գիտության մայրաքաղաք. Ժան-Միշել Ժարի աննախադեպ համերգով մեկնարկեց STARMUS VII փառատոնը

Փառատոն, որը փոխում է պատկերացումները Հայաստանի մասին. «STARMUS VI» ֆիլմն ամփոփեց անկրկնելի ձևաչափով միջոցառումը

STARMUS

Փառատոն, որը փոխում է պատկերացումները Հայաստանի մասին. «STARMUS VI» ֆիլմն ամփոփեց անկրկնելի ձևաչափով միջոցառումը

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում