Ադրբեջանի ԶՈւ-ն կրակ է բացել հայկական մարտական դիրքերում ամրաշինական աշխատանքներ իրականացնող շինարարական տեխնիկայի ուղղությամբ. ՀՀ ՊՆ

ԵՐԵՎԱՆ, 6 ՀՈԿՏԵՄԲԵՐԻ, ԱՐՄԵՆՊՐԵՍ:ՀՀ Պաշտպանության նախարարությունը հաղորդագրություն է տարածել՝ տեղեկացնելով, որ ադրբեջանական ԶՈՒ-ն կրակ է բացել հայ-ադրբեջանական սահմանի արևելյան հատվածում տեղակայված հայկական մարտական դիրքերում ամրաշինական աշխատանքներ իրականացնող շինարարական տեխնիկայի ուղղությամբ:

«Ադրբեջանի ԶՈւ ստորաբաժանումները հոկտեմբերի 6-ին ժամը 14:20-ի սահմաններում կրակ են բացել հայ-ադրբեջանական սահմանի արևելյան հատվածում տեղակայված հայկական մարտական դիրքերում ամրաշինական աշխատանքներ իրականացնող շինարարական տեխնիկայի ուղղությամբ, ինչի հետևանքով այն վնասվել է»,- «Արմենպրես»-ի փոխանցմամբ նշված է ՀՀ ՊՆ-ի տարածած հաղորդագրության մեջ: