Հայկական ստորաբաժանումները չեն կրակել ադրբեջանական դիրքերի և բնակավայրերի ուղղությամբ. ՊՆ-ն հերքում է ադրբեջանական կողմի պնդումները
1 րոպեի ընթերցում
![Հայկական ստորաբաժանումները չեն կրակել ադրբեջանական դիրքերի և բնակավայրերի ուղղությամբ. ՊՆ-ն հերքում է ադրբեջանական կողմի պնդումները](http://armenpress.am/resized/480/static/news/b/2022/09/1093200.jpg)
ԵՐԵՎԱՆ, 23 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի պաշտպանության նախարարությունը հերքել է Ադրբեջանի պաշտպանական գերատեսչության տարածած հաղորդագրությունն այն մասին, թե սեպտեմբերի 22-ի երեկոյից հայկական զինված ուժերի ստորաբաժանումները տարբեր ուղղություններով կրակել են ադրբեջանական դիրքերի և բնակավայրերի ուղղությամբ:
«Արմենպրես»-ի փոխանցմամբ՝ ՀՀ պաշտպանության նախարարության մամուլի քարտուղար Արամ Թորոսյանն ապատեղեկատվություն է որակել Ադրբեջանի պաշտպանության նախարարության տարածած հաղորդագրությունը: