ՊՆ-ն հերքել է Ադրբեջանի տարածած լուրը հայկական կողմից սահմանին կրակ բացելու մասին
1 րոպեի ընթերցում
![ՊՆ-ն հերքել է Ադրբեջանի տարածած լուրը հայկական կողմից սահմանին կրակ բացելու մասին](http://armenpress.am/resized/480/static/news/b/2022/09/1092176.jpg)
ԵՐԵՎԱՆ, 12 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի պաշտպանության նախարարությունը հերքել է Ադրբեջանի պաշտպանության նախարարության տարածած հաղորդագրությունը, թե ՀՀ ԶՈՒ ստորաբաժանումները սեպտեմբերի 11-ի երեկոյան կրակ են բացել ադրբեջանական դիրքերի ուղղությամբ: «Արմենպրես»-ի փոխանցմամբ՝ Հայաստանի պաշտպանության նախարարությունն այս մասին հաղորդագրություն է տարածել:
«Ադրբեջանի պաշտպանության նախարարությունը կրկին ապատեղեկատվություն է տարածել: Սեպտեմբերի 11-ի երեկոյան ՀՀ ԶՈՒ ստորաբաժանումները հայ-ադրբեջանական սահմանագոտու արևելյան հատվածում տեղակայված ադրբեջանական դիրքերի ուղղությամբ կրակ չեն բացել: Իրադրությունը հայ-ադրբեջանական սահմանին հարաբերականորեն կայուն է և գտնվում է ՀՀ ԶՈւ ստորաբաժանումների լիարժեք վերահսկողության տակ»,- ասված է հաղորդագրության մեջ։