Վախճանվել է Խաչիկ Ստամբոլցյանը

ԵՐԵՎԱՆ, 28 ՕԳՈՍՏՈՍԻ, ԱՐՄԵՆՊՐԵՍ: Օգոստոսի 28-ի առավոտյան 81 տարեկան հասակում վախճանվել է ՀԽՍՀ 11-րդ գումարման Գերագույն խորհրդի պատգամավոր, հասարակական-քաղաքական գործիչ Խաչիկ Ստամբոլցյանը: «Արմենպրես»-ի հաղորդմամբ՝ այս մասին հայտնում են Հայաստանի ԶԼՄ-ները։

Նշվում է, որ Խաչիկ Ստամբոլցյանը ծնվել է 1940 թ. սեպտեմբերի 15-ին: Նա Երևանի պետական համալսարանի ֆիզիկայի ֆակուլտետի շրջանավարտ էր։ Աշխատանքային գործունեությունը ծավալել է ՀՀ ԳԱԱ Փորձարարական կենսաբանության ինստիտուտում։ Հատկապես Հայաստանի անկախացման տարիներին վարել է ակտիվ քաղաքական-հասարակական գործունեություն։