Կանադացի սենատորը դատապարտել է Ադրբեջանի ագրեսիան
1 րոպեի ընթերցում
![Կանադացի սենատորը դատապարտել է Ադրբեջանի ագրեսիան](http://armenpress.am/resized/480/static/news/b/2022/08/1089970.jpg)
ԵՐԵՎԱՆ, 9 ՕԳՈՍՏՈՍԻ, ԱՐՄԵՆՊՐԵՍ: Քվեբեկից կանադացի սենատոր Լեո Հուսակոսը դատապարտել է Ադրբեջանի ագրեսիան` կոչ անելով Կանադային և միջազգային հանրությանը խստորեն դատապարտել այն: «Արմենպրես»-ի հաղորդմամբ` այս մասին նա գրել է «Թվիթերի» իր միկրոբլոգում:
«Արցախի ժողովրդի վրա Ադրբեջանի հարձակումը 2020 թվականի նոյեմբերի հրադադարի համաձայնագրի վերջին խախտումն է։ Ես անհանգստացած եմ Ադրբեջանի վերսկսված ագրեսիայի առիթով և կոչ եմ անում Կանադային ու միջազգային հանրությանը խստորեն դատապարտել այն»,- գրել է նա: