Դեսպան Կարապետյանը հանդիպել է Ուկրանիայի ներքին գործերի նախարարի տեղակալ Մերի Հակոբյանի հետ
1 րոպեի ընթերցում
![Դեսպան Կարապետյանը հանդիպել է Ուկրանիայի ներքին գործերի նախարարի տեղակալ Մերի Հակոբյանի հետ](http://armenpress.am/resized/480/static/news/b/2022/06/1084814.jpg)
ԵՐԵՎԱՆ, 1 ՀՈՒՆԻՍԻ, ԱՐՄԵՆՊՐԵՍ: Ուկրանիայուն Հայաստանի Հանրապետության դեսպան Վլադիմիր Կարապետյանը հանդիպել է Ուկրաինայի ներքին գործերի նախարարի տեղակալ Մերի Հակոբյանի հետ: «Արմենպրես»-ին այս մասին հայտնեցին Ուկրաինայում ՀՀ դեսպանությունից:
Նշվում է, որ զրուցակիցները մտքեր են փոխանակեցլ Հայաստանում և Ուկրաինայում տեղի ունեցող զարգացումների շուրջ: Մերի Հակոբյանը ներկայացրել է Ուկրաինայում շարունակվող ռազմական գործողությունների արդյունքում առաջացած մարտահրավերները: Նշվել է, որ հրատապ խնդիրներից է տարածքների ականազերծումը:
Նախարարի տեղակալն ընդգծել է Ուկրաինայի ՆԳՆ-ի պատրաստակամությունը խորացնելու հայ գործընկերների հետ արդեն իսկ ձևավորված լավ հարաբերությունները, մասնավորապես՝ կիսվել Ուկրաինայի ձեռք բերված մեծ փորձով ոստիկանության բարեփոխման գործում: