Երևանի ավագանու «Իմ քայլը» խմբակցությունը համալրվել է նոր անդամներով

ԵՐԵՎԱՆ, 19 ԱՊՐԻԼԻ, ԱՐՄԵՆՊՐԵՍ: Երևանի քաղաքապետարանում մեկնարկել է Երևան քաղաքի ավագանու 8-րդ նստաշրջանի 3-րդ նիստը:

«Արմենպրես»-ի հաղորդմամբ՝ Երևանի քաղաքապետ Հրաչյա Սարգսյանն ասաց, որ Երևանի ավագանու «Իմ քայլը» կուսակցությունների դաշինքի ընտրական ցուցակից ընտրված և լիազորությունները վաղաժամկետ դադարած ավագանու անդամների մանդատները տրվել են նույն կուսակցությունների դաշինքի ընտրական ցուցակի հերթական հաջորդ թեկնածուներ Էդգար Զաքարյանին և Վարսենիկ Ուզունյանին:

Քաղաքապետը շնորհավորեց ավագանու նոր անդամներին:

Ավագանու անդամների քվեարկության արդյունքում հերթական նիստը կգումարվի մայիսի 24-ին՝ ժամը 11:00-ին: