Բիթքոինի արժեքը հասել է պատմական առավելագույն ցուցանիշին

ԵՐԵՎԱՆ, 20 ՀՈԿՏԵՄԲԵՐԻ, ԱՐՄԵՆՊՐԵՍ: Ամենահայտնի կրիպտոարժույթի՝ բիթքոինի արժեքն ավելացել է 3.44 տոկոսով՝ հասնելով պատմական առավելագույն ցուցանիշին՝ 66 033 ԱՄՆ դոլարի: «Արմենպրես»-ի փոխանցմամբ, այս մասին հայտնում է ՏԱՍՍ-ը:

Բիթքոինը առաջին թվային արժույթն է, որի գործունեությունը հիմնված է ապակենտրոնացվածության սկզբունքի շահագործման վրա։ Նրա հիմնական առավելությունն այն է, որ գործարքները անանուն են և իրականացվում են անմիջապես առանց միջնորդների։ Դրա ստեղծումը իրականացվում է բլոկ-շղթա տեխնոլոգիայի հիման վրա։