2 րոպեի ընթերցում
ԵՐԵՎԱՆ, 9 ՀՈՒԼԻՍԻ, ԱՐՄԵՆՊՐԵՍ: Հայկական արտադրության «DANZ» ակնոցների գարնանային հավաքածուն վաճառքի ռեկորդ է գրանցել. ընկերությունն արձանագրել է ստեղծումից ի վեր ամենամեծ պահանջարկը: Այս մայիսին, ընկերության ստեղծումից ի վեր, ամենաշատ ակնոցներն են վաճառվել: «DANZ» ապրանքանիշը ներկայացված է Ամերիկայի Միացյալ Նահանգներում, Ռուսաստանում, Հայաստանում, ինչպես նաև առցանց հարթակներում:
Հաշվի առնելով աճող պահանջարկը, հուլիսին ընկերությունը «DANZ»-ի երկու նոր, մեծ վաճառասրահներ բացեց. Եվրոպայի ամենամեծ առևտրային կենտրոնում՝ «Ավիապարկում» և «Երևան մոլում»: Մոսկվայի «Ավիապարկ» մոլում «DANZ»-ն արդեն համալրել է ավելի քան 500 աշխարհահռչակ ապրանքանիշերի խանութների շարքը: Իսկ Հայաստանում «DANZ»-ը ներկայացված է նաև «Դալմա» մոլում և 40-ից ավելի օպտիկական խանութներում:
«Նորաոճների շրջանում, հատկապես երիտասարդների, նոր թրենդ է ձևավորվում. խմբերով այցելություններ «DANZ»՝ իրենց ակնոցն ընտրելու: Նրանք հաճույք են ստանում փորձելու, իրար խորհուրդներ տալու, գնումների պրոցեսից: Այդ առումով, գարուն/ամառ-2021 հավաքածուն, որն արդեն շուկայում է, ավելի գրավիչ կարող է լինել: Բոլոր մոդելները համապատասխանում են սեզոնի համաշխարհային թրենդերին, սակայն բոլորի մեջ նաև «DANZ»-ի յուրահատկությունը կա: Հենց դրա շնորհիվ է, որ ակնոցի շուկայում «DANZ»-ն աստիճանաբար դառնում է ոճ թելադրող»,- նշել է «DANZ» ընկերության կոմերցիոն տնօրեն Արմեն Ավագ Ավագյանը:
«DANZ» արևային ակնոցներն ու ակնոցների շրջանակներն ամբողջությամբ արտադրվում են Հայաստանում, 2017 թվականից: Ընկերությունը հանդիսանում է տարածաշրջանում նմանօրինակ արտադրության առաջին հիմնադիրը: «DANZ»-ն ավելի քան 30 աշխատատեղ է ստեղծել և շարունակում է համալրել թիմը, սակայն գլխավոր շեշտը արտադրանքի որակի վրա է: