Արդարադատության ակադեմիայի ռեկտոր է ընտրվել Սերգեյ Առաքելյանը

ԵՐԵՎԱՆ, 18 ՀՈՒՆԻՍԻ, ԱՐՄԵՆՊՐԵՍ: Ռեկտորի ընտրության համար Արդարադատության ակադեմիայի կառավարման խորհրդի նիստը տեղի է ունեցել հունիսի 18-ին:

Ինչպես «Արմենպրես»-ին տեղեկացրին Արդարադատության ակադեմիայի Համագործակցության և հանրային կապերի բաժնից, ղեկավարվելով «Արդարադատության ակադեմիայի մասին» ՀՀ օրենքի 9-րդ հոդվածի 1-ին և 2-րդ մասով՝ կառավարման խորհուրդը գաղտնի քվեարկությամբ Արդարադատության ակադեմիայի ռեկտոր է ընտրել իրավաբանական գիտությունների դոկտոր, պրոֆեսոր Սերգեյ Առաքելյանին: