Արցախի և Իրանի սահմանի երկայնքով ընթանում են համառ մարտեր. ՊՆ-ն հերքում է Ալիևի հայտարարությունը

2 րոպեի ընթերցում

ԵՐԵՎԱՆ, 22 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ Պաշտպանության նախարարության ներկայացուցիչ Արծրուն Հովհաննիսյանը հերքում է Ադրբեջանի նախագահ Իլհամ Ալիևի հայտարարությունը, թե իբր Արցախի և Իրանի սահմանն ամբողջովին Ադրբեջանի բանակի վերահսկողության տակ է: «Արմենպրես»-ի հարցին ի պատասխան՝ Արծրուն Հովհաննիսյանը նշեց, որ սահմանի ողջ երկայնքով ընթանում են համառ մարտեր:

«Այդ սահմանի ողջ երկայնքով ընթանում են համառ մարտեր, լիարժեք վերահսկողության մասին խոսք լինել չի կարող: Եթե ինչ-որ տեղերում, նեղ տեղամասերում իրենց զորքերը տեսնում են Արաքս գետը, դա չի նշանակում լիարժեք վերահսկողություն»,- ասաց Հովհաննիսյանը:

Սեպտեմբերի 27-ից Ադրբեջանը Թուրքիայի աջակցությամբ ռազմական գործողություններ էր սանձազերծել Արցախի դեմ՝ կիրառելով ողջ զինանոցը, թիրախավորելով անգամ քաղաքացիական բնակչությանը թե Արցախում, թե Հայաստանում: Առկա են հաստատված տեղեկություններ, որ Ադրբեջանի զինուժի կազմում հայկական կողմի դեմ մարտերի մեջ են նաև Սիրիայից Թուրքիայի միջոցով բերված վարձկաններ: Ադրբեջանն անտեսել է անգամ հոկտեմբերի 10-ից Ռուսաստանի Դաշնության նախագահ Վլադիմիր Պուտինի նախաձեռնությամբ Հայաստանի, Ռուսաստանի և Ադրբեջանի արտաքին գործերի նախարարների ձեռք բերած համաձայնությունը՝ կրակի դադարեցման մասին և պայմանավորվածության ուժի մեջ մտնելուց րոպեներ անց կրակել Արցախի ուղղությամբ, ձեռնարկել հարձակումներ, հրթիռակոծել առաջնագիծն ու բնակավայրեր: Հոկտեմբերի 17-ին Հայաստանի Հանրապետությունը և Ադրբեջանի Հանրապետությունը որոշել էին հոկտեմբերի 18-ին, տեղական ժամանակով ժամը՝ 00:00-ից հաստատել մարդասիրական զինադադար:

Նորայր Շողիկյան

Հայերեն English Русский

Երկրի առջև ծառացած բազում մարտահրավերներին արձագանքելու ամենակարևոր եղանակներից մեկը կրթությունն է. ԿԳՄՍ նախարար

ԱՄՆ պետքարտուղարը Թուրքիայում հանդիպել է Սիրիայի արտգործնախարարի հետ

Տիգրան Աբրահամյանը մտահոգիչ է համարում Ադրբեջանի կողմից մեծածավալ սպառազինության գնումը

LinkedIn Local Yerevan 2025. նոր նշաձող բիզնես նեթվորքինգի մշակույթում

Գյումրիում կանցկացվի «Իսահակյան-150» հոբելյանական միջոցառումների շարք

Ստամբուլում տեղի կունենա երկու եռակողմ հանդիպում. ԶԼՄ-ներ

Ծիծեռնակաբերդի բարձունքի անխնամ տարածքն անտառային գոտու է վերածվել

Կոռուպցիայի մեջ ներգրավված ցանկացած մեկը կպատժվի օրենքի ողջ խստությամբ. Արթուր Հովհաննիսյան

ԵԱՏՄ-ի և Իրանի միջև ազատ առևտրի ամբողջական համաձայնագիրն ուժի մեջ է մտել

ԵՊՀ-ն շարունակում է մնալ գիտելիքի ստեղծման, պահպանման ու փոխանցման ամենակարևոր հարթակը Հայաստանում. ռեկտոր